لا تختار من تخاف فقدانه.. اختار من تشعر معه بالأمان

 

سها البغدادي 

أوراق الورد 🌹 سها البغدادي

مش كل شخص قلبك اتعلق بيه يكون هو الشخص المناسب ليك.

أحيانًا بنخلط بين التعلق والتوافق، فنتمسك بشخص لمجرد إننا مش قادرين نتخيل حياتنا من غيره، رغم إن وجوده ممكن يكون مصدر قلق وألم واستنزاف.

لكن الشريك المناسب هو اللي وجوده في حياتك يخليك تظهر أحسن نسخة من نفسك، وتحس معاه بالراحة والأمان، مش الخوف والقلق.

اختار الشخص اللي تفرح بوجوده، وتقدر تحكيله تفاصيل يومك، وتحس إنك مهم عنده من غير ما تضطر كل يوم تثبت قيمتك.

اختار اللي يحبك لذاتك، مش لمصلحته، واللي ما يحطكش في مقارنة مع غيرك، ولا يعاملك بمزاجية؛ يوم يحتويك ويوم يتجاهلك.

اختار اللي عشرته أمان، ما يتغيرش مع أول خلاف أو أول ظرف، واللي وقت الاختلاف يفضل فيه احترام واحتواء ورغبة في الإصلاح.

لأن العلاقة الصح مش معناها إن مفيهاش مشاكل، لكن معناها إنك وسط المشاكل تفضل مطمئن إن الشخص اللي جنبك مش ضدك.

في النهاية، لا تختار الشخص الذي تخاف أن تفقده فقط..

اختار الشخص الذي تشعر معه أنك لست بحاجة إلى الخوف من فقدانه.

اختار من يطمئن قلبك، ويحترمك، ويقدرك، ويجعلك تشعر أنك في المكان الصحيح.

فالتعلق يجعلك تخاف من الرحيل..
أما التوافق فيجعلك تشعر بالأمان في البقاء.

أوراق الورد 🌹